Shvetsiyada “orzudagi ish o‘rni” paydo bo‘ldi: Oylik beriladi, lekin ishlash kerak emas

Shvetsiyada ish izlayotganlarga “orzudagi ish” taklif etilmoqda, deb yozadi “Korrespondent.net”.

Bu ishlash shart bo‘lmagan ish o‘rnidir.

Xodimdan Geteborgdagi stansiyaga borib, ish kuni avvalida va yakunida borib chiroqni yoqib, o‘chirish talab etiladi.

Ish beruvchi butun dunyodan 125 ta ariza olgan.

Ish tasnifida oylik maosh xodimning umri oxirigacha to‘lanishi yozilgan. Arizalar nafaqat Shvetsiya, balki AQSh, Filippin, Tayvan va boshqa mamlakatlardan kelib tushgan.

Umrboqiy mansab deb nomlangan loyiha mualliflari rassomlar Simon Goldin va Yakob Sennebyu hisoblanadi. Ular 2,3 ming dollar oylik berishga tayyor.

Xodimdan Geteborgdagi qurilayotgan Korsvägen stansiyasiga ertalab va kechqurun ma’lum vaqtda kelib, chiroqni yoqib, o‘chirish talab etiladi.

Boshqa vaqtda u bo‘sh bo‘ladi. Art-tajriba mualliflari 120 yil davomida oylik to‘lashni rejalashtirmoqda. Unga mablag‘ni Shvetsiya badiiy kengashi va transport boshqarmasi ajratadi.

“Orzudagi ish”ga Geteborgda yashovchi yoki u yerga ko‘chib o‘tishga tayyor inson olinadi.

Art-tajriba yildan yilga o‘sib borayotgan jamiyatdagi tengsizlikka e’tiborni jalb qilishga qaratilgan.