Kaltaklanib, tiriklayin ko‘mib tashlangan hindistonlik qabrdan chiqishga muvaffaq bo‘ldi

Hindistonda kaltaklanib, tiriklayin ko‘mib tashlangan erkak qabrdan chiqib oldi, deb yozadi The Times of India.

Hodisa Gondal shahrida yuz bergan. Kapil Marakana ismli erkak olti yil yog‘ kombinatida ishlagan. Korxonaga yangi boshliq kelganidan so‘ng eski boshliq erkakni korxonaga zarar yetkazganlikda ayblay boshlagan.

Korxonaning ikki egasi yana bir erkakni yollab, Marakanani o‘g‘irlab ketgan. Marakanani rosa kaltaklashib, uni qum ostiga ko‘mib tashlashgan. Erkak qimirlamay qolganidan so‘ng uni o‘lgan deb o‘ylab, boshliqlar buni nishonlagani yo‘l olgan.

Erkak qum ostidan chiqib oldi va qocha boshlagan. Uni ko‘mganlar orqasidan quvlagan. Biroq erkak mahalliy qamoqxonaga yetib oldi hamda politsiyadan yordam so‘ragan.

Shu tarzda Marakanani kaltaklab, ko‘mganlar qo‘lga olingan.