Italiya terma jamoasi sobiq himoyachisi Fabio Kannavaro Argentina terma jamoasi sobiq hujumchisi Diyego Maradona va uning vatandoshi Lionel Messini o‘zaro solishtirdi.
“Messini chuqur hurmat qilaman. Yangi avlod uchun u eng yaxshi futbolchilardan biri. Biroq Maradona o‘zgacha, chunki uning vaqtida futbol boshqacha bo‘lgan. Unga nisbatan tez-tez qo‘pol harakatlar bo‘lardi, ammo u doim vaziyatni nazorat qilib turar va juda chidamli futbolchi edi.
Messi top-o‘yinchi, biroq Maradona — bu boshqa olam. Men hech qachon uni boshqa futbolchilarga tenglashtira olmayman.
Pelening o‘yinini ko‘rish nasib qilmagan, ammo yetti yil mobaynida Maradona ishtirokidagi har bir o‘yinni tomosha qilganman. U shunchaki eng yaxshilardan biri emas, balki, eng yaxshi futbolchidir”, — deydi Kannavaro.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)