Rossiya prezidenti Vladimir Putin 9-may kuni o‘tkazish ko‘zda tutilgan G‘alaba paradini o‘tkazishni koronavirus pandemiyasi tufayli keyinga qoldirgan edi. Uning o‘rniga Rossiyaning 47 ta shahrida havo paradi o‘tkaziladi.
Moskvada 9-may kuni noqulay ob-havo bo‘lishi prognoz qilinayotgani sababli shahar bo‘ylab bulutlarni tarqatish amalga oshiriladi. “RIA Novosti”ning xabar berishicha, Moskva shahar Bosh nazorat boshqarmasi boshlig‘i Yevgeniy Danchikov buni parvozlar xavfsizligini ta’minlashning asosiy sharti deb aytgan.
“9-may kuni bulutlar tarqatish amalga oshiriladi, lekin bu fuqarolar ko‘chaga chiqib, Moskvada harakatlanish bo‘yicha qo‘yilgan cheklovlarni buzishi mumkin, degani emas”, — degan Danchikov. Uning aytishicha, havo paradini televizor yoki uni kuzatish mumkin bo‘lgan uylarning derazalaridan tomosha qilish mumkin.
“TASS”ning yozishicha, Moskvadagi aviatsiya paradiga 75 ta samolyot va vertolyot, shu jumladan, qiruvchi samolyotning beshinchi avlodi bo‘lgan “Su-57” samolyotlari jalb etiladi. 4-may kuni Moskvada unga tayyorgarlik mashg‘ulotlari bo‘lib o‘tgan.
Izoh (0)