4-may, dushanba kuni, Yevropa komissiyasining “Koronavirusga qarshi global kurash” xalqaro donorlik onlayn-forumida tashkil qilgan xayriya jamg‘armasiga 3 soat ichida koronavirusga qarshi kurashga yo‘naltirish uchun 7,4 milliard yevro miqdoridagi mablag‘ kelib tushdi. Bu haqda “RIA Novosti” xabar qilgan.
“Koronavirusga qarshi global kurash” xalqaro donorlik onlayn-marafonini tashkil qilish tashabbusi 15-aprelda Yevropa komissiyasi rahbari Ursula fon der Lyayyen tomonidan ilgari surilgan. U kasallikka qarshi vaksinalar, dorilar va diagnostika tizimlarini ishlab chiqish uchun birinchi bosqichda 7,5 milliard yevro talab qilinishini bildirgandi.
Yevropa Ittifoqi ilmiy izlanishlar boshlanishini qo‘llab-quvvatlash maqsadida 1 milliard yevor ajratishga tayyorligini ma’lum qilgan. Ushbu tashabbusga nafaqat dunyo mamlakatlari, balki biznes vakillari, moliyaviy va ilmiy-tadqiqot tashkilotlari ham xayrixoh bo‘lib xayriya mablag‘larini ajratgan.
Izoh (0)