4 май, душанба куни, Европа комиссиясининг «Коронавирусга қарши глобал кураш» халқаро донорлик онлайн-форумида ташкил қилган хайрия жамғармасига 3 соат ичида коронавирусга қарши курашга йўналтириш учун 7,4 миллиард евро миқдоридаги маблағ келиб тушди. Бу ҳақда «РИА Новости» хабар қилган.
«Коронавирусга қарши глобал кураш» халқаро донорлик онлайн-марафонини ташкил қилиш ташаббуси 15 апрелда Европа комиссияси раҳбари Урсула фон дер Ляйен томонидан илгари сурилган. У касалликка қарши вакциналар, дорилар ва диагностика тизимларини ишлаб чиқиш учун биринчи босқичда 7,5 миллиард евро талаб қилинишини билдирганди.
Европа Иттифоқи илмий изланишлар бошланишини қўллаб-қувватлаш мақсадида 1 миллиард евор ажратишга тайёрлигини маълум қилган. Ушбу ташаббусга нафақат дунё мамлакатлари, балки бизнес вакиллари, молиявий ва илмий-тадқиқот ташкилотлари ҳам хайрихоҳ бўлиб хайрия маблағларини ажратган.
Изоҳ (0)