2020-yilning 1-may kunidan 31-dekabr kuniga qadar tibbiy niqoblar uchun xomashyo tovarlar eksporti uchun vaqtincha cheklov o‘rnatilgan. Bu haqda 27-aprel kuni AOKAda o‘tkaziladigan brifing Bojxona qo‘mitasi axborot xizmati rahbari Nurbek Salomov aytib o‘tdi.
Qo‘mita vakilining ta’kidlashicha, Vazirlar Mahkamasining qaroriga asosan joriy yilning 1-maydan 31-dekabrga qadar tibbiy niqoblar uchun xomashyo tovarlari eksporti uchun vaqtinchalik cheklov o‘rnatilgan.
“Himoya niqoblarining ichki bozordan ortiq hajmini Iqtisodiy taraqqiyot va kambag‘allikni qisqartirish vazirligi, Farmasevtika tarmog‘ini rivojlantirish agentligi, ‘O‘zto‘qimachiliksanoat’ uyushmasi va ‘Dori-darmon’ kompaniyasining o‘zaro qo‘shma xulosa asosida eksportga chiqarishga ruxsat berilgan”, — dedi Nurbek Salomov.Uning qo‘shimcha qilishicha, joriy qilingan cheklovlar istisno tariqasida xalqaro yuk tashuvchi transport vositalariga tatbiq etilmasligi belgilangan hamda respublikadan turli davlatlarga yuqorida ko‘rsatilgan tovarlardan boshqa eksport tovarlarini olib chiqishga cheklovlar joriy etilmagan.
Izoh (0)