2020 йилнинг 1 май кунидан 31 декабрь кунига қадар тиббий ниқоблар учун хом ашё товарлар экспорти учун вақтинча чеклов ўрнатилган. Бу ҳақда 27 апрель куни АОКАда ўтказиладиган брифинг Божхона қўмитаси ахборот хизмати раҳбари Нурбек Саломов айтиб ўтди.
Қўмита вакилининг таъкидлашича, Вазирлар Маҳкамасининг қарорига асосан жорий йилнинг 1 майдан 31 декабрга қадар тиббий ниқоблар учун хом ашё товарлари экспорти учун вақтинчалик чеклов ўрнатилган.
«Ҳимоя ниқобларининг ички бозордан ортиқ ҳажмини Иқтисодий тараққиёт ва камбағалликни қисқартириш вазирлиги, Фармасевтика тармоғини ривожлантириш агентлиги, ‘Ўзтўқимачиликсаноат’ уюшмаси ва ‘Дори-дармон’ компаниясининг ўзаро қўшма хулоса асосида экспортга чиқаришга рухсат берилган», — деди Нурбек Саломов.Унинг қўшимча қилишича, жорий қилинган чекловлар истисно тариқасида халқаро юк ташувчи транспорт воситаларига татбиқ этилмаслиги белгиланган ҳамда республикадан турли давлатларга юқорида кўрсатилган товарлардан бошқа экспорт товарларини олиб чиқишга чекловлар жорий этилмаган.
Изоҳ (0)