Italiya terma jamoasi sobiq hujumchisi Antonio Kassano “Barselona” sardori Lionel Messi va “Yuventus” forvardi Krishtianu Ronalduni o‘zaro solishtirdi.
“Krishtianu — chempion. Biroq u hech qachon Leo Messiga o‘xshay olmaydi”, — deydi Kassano.
Shuningdek, “Real” sobiq futbolchisi madridliklar safidagi muvaffaqiyatsiz o‘yinlarini yodga oldi.
“Istalgan o‘yinchi “Real”ga yo‘l olish uchun yonidan pul to‘lashga ham tayyor bo‘ladi. Sensatsion xatolarga yo‘l qo‘yganman. Men futbolda sodir etgan eng katta ahmoqgarchilik: tarixdagi eng buyuk klubda, buyuk o‘yinchilar bilan harakat qilish imkoniyatiga ega bo‘ldim va keyin uni oynadan uloqtirdim. Kapello men uchun ko‘p narsa qildi, biroq unga munosib bo‘la olmadim”, — deya eslaydi Kassano.
“Real” Kassano bilan 2006-yilda shartnoma imzolaydi. U va jamoa bosh murabbiyi Fabio Kapello o‘rtasida kelishmovchilik yuzaga keladi. Natijada 2007-yilda futbolchi “Sampdoriya”ga ijaraga berib yuboriladi, 2008-yilda genuyaliklar Antonioning transfer huquqini to‘liq sotib oladi.
Mavzuga doir:
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)