Xitoyning “Guanchjou Evergrand” klubi yangi stadion qurish ishlarini boshlab yubordi.
Avval xabar berilganidek, stadion 100 ming tomoshabinga mo‘ljallangan bo‘lib, qo‘shimcha 168 ta VIP lojaga ega bo‘ladi. Bu dunyo bo‘yicha faqat futbol uchun mo‘ljallangan arenalar ichida eng kattasi bo‘ladi.
Arena qurilishini boshlash ishlari koronavirus pandemiyasi sabab biroz cho‘zildi va 16-aprel kuni qurilish ishlariga rasman start berildi.
Yangi stadion nilufar guli shakliga ega bo‘lib, o‘zida Xitoy an’analari va buddaviylik tarixini aks ettiradi. Stadion fasadi turli ranglarga kira oladigan bo‘ladi.
Loyihaga taxminan 1,5 milliard yevro sarflanadi, qurilish ishlari esa 2022-yilda yakuniga yetadi.
Hozirda Xitoyning sakkiz karra chempioni ushbu stadionda o‘z o‘yinlarini o‘tkazadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)