Италия терма жамоаси собиқ ҳужумчиси Антонио Кассано «Барселона» сардори Лионель Месси ва «Ювентус» форварди Криштиану Роналдуни ўзаро солиштирди.
«Криштиану — чемпион. Бироқ у ҳеч қачон Лео Мессига ўхшай олмайди», — дейди Кассано.
Шунингдек, «Реал» собиқ футболчиси мадридликлар сафидаги муваффақиятсиз ўйинларини ёдга олди.
«Исталган ўйинчи «Реал»га йўл олиш учун ёнидан пул тўлашга ҳам тайёр бўлади. Сенсацион хатоларга йўл қўйганман. Мен футболда содир этган энг катта аҳмоқгарчилик: тарихдаги энг буюк клубда, буюк ўйинчилар билан ҳаракат қилиш имкониятига эга бўлдим ва кейин уни ойнадан улоқтирдим. Капелло мен учун кўп нарса қилди, бироқ унга муносиб бўла олмадим», — дея эслайди Кассано.
«Реал» Кассано билан 2006 йилда шартнома имзолайди. У ва жамоа бош мураббийи Фабио Капелло ўртасида келишмовчилик юзага келади. Натижада 2007 йилда футболчи «Сампдория»га ижарага бериб юборилади, 2008 йилда генуяликлар Антонионинг трансфер ҳуқуқини тўлиқ сотиб олади.
Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)