Samarqand viloyati Payariq tumani hokimi Dilshod Musinov karantindan chiqib, faoliyatini davom ettirmoqda. Bu haqda “Daryo”ga tuman hokimligi axborot xizmati ma’lum qildi.
Ta’kidlanishicha, Payariq tumani hokimi 2020-yilning mart oyida delegatsiya tarkibida rasmiy tashrif bilan Turkiya davlatiga ketgandi. 16-mart kuni O‘zbekistonda karantin e’lon qilinganidan so‘ng safardan qaytgan hokim Vazirlar Mahkamasining 2020-yil 23-martda qabul qilingan, chet davlatlardan qaytgan fuqarolar 14 kun davomida uyda yoki maxsus belgilangan joyda izolyatsiyada bo‘lishi kerakligi haqidagi qaroriga asosan karantinga olingan.
Aytilishicha, hokim Dilshod Musinov 23-aprel, payshanba kuni, ishga chiqqan. Ishini Imom Buxoriy majmuasida Qur’on tilovat qilib, qurbonlik keltirishdan boshlagan.
Eslatib o‘tamiz, O‘zbekistonda koronavirusga chalingan bemorlar soni 23-aprel soat 10:00 holatiga ko‘ra, 1716 nafarni tashkil etmoqda — kasallanganlar soni ayni paytga qadar o‘zgarishsiz qolmoqda.
Izoh (0)