O‘zbekiston qonunchiligiga ko‘ra, agar ichki ishlar xodimi zimmasiga yuklatilgan majburiyatlarni kuch ishlatmasdan turib bajarishining iloji bo‘lmasa, u kuch ishlatishi, jumladan, kurashning jang usullarini qo‘llashi mumkin, deya ma’lumot berdi Adliya vazirligi.
Ichki ishlar xodimi quyidagi hollarda kuch ishlatishi, jumladan, kurashning jang usullarini qo‘llashi mumkin:
- jinoyatlarga va ma’muriy huquqbuzarliklarga chek qo‘yish uchun;
- jinoyatlar yoki ma’muriy huquqbuzarliklar sodir etgan shaxslarni eng yaqindagi ichki ishlar organiga yoxud huquqni muhofaza qiluvchi boshqa organga olib borish va bu shaxslarni ushlab turish uchun;
- ichki ishlar organi xodimining qonuniy talablariga qarshilik ko‘rsatilishini bartaraf etish uchun.
Jismoniy kuch ishlatilganligi va maxsus vositalar qo‘llanilganligi natijasida shaxslarning hayotiga, sog‘lig‘iga yoki mol-mulkiga zarar yetkazilgan har bir holat haqida ichki ishlar organlari prokurorga darhol xabar berishi shart.
Avvalroq O‘zbekistonda karantin qoidalari eng ko‘p buzilayotgan viloyatlar ro‘yxati e’lon qilingan edi.
Eslatib o‘tamiz, Namanganda Xalq banki xodimi koronavirusga chalingani haqida noto‘g‘ri xabar bergan IIB xodimi ishdan bo‘shatilgan edi.
Izoh (0)