O‘zbekiston Prezidentining 2020-yil 14-apreldagi qarori bilan Jasurbek Choriyev transport vazirining o‘rinbosari lavozimini egalladi. Bu haqda vazirlik matbuot xizmati xabar bermoqda.
Ushbu lavozimga tayinlanguniga qadar Jasurbek Choriyev Transport vazirligi Havo transportini rivojlantirish departamenti boshlig‘i vazifasini bajaruvchi lavozimida faoliyat yuritgan.
Jasurbek Choriyev 1978-yil Surxondaryo viloyati Denov tumanida tug‘ilgan. Toshkent shahridagi Jahon iqtisodiyoti va diplomatiya universitetida 1997-yil xalqaro iqtisodiy aloqalar mutaxassisligi bo‘yicha bakalavr darajasiga ega bo‘lgan. 1997—2000-yillarda AQShning Boulder shahridagi Kolorado universitetida tahsil olgan. 2003-yili Toshkent davlat aviatsiya institutida aviatsiya menejmenti yo‘nalishi bo‘yicha magistrlik darajasiga ega bo‘lgan.
Avvalroq O‘zbekiston Milliy gvardiyasi qo‘mondoniga yangi o‘rinbosarlar tayinlangani, Ichki ishlar vazirligi tizimida yangi lavozim tayinlovlari amalga oshirilgani xabar berilgan edi.
Izoh (0)