Xalq ta’limi vaziri Sherzod Shermatov karantin vaqtida internet orqali qonuniy pul topish mumkinligini aytdi. Bu haqda u o‘zining Facebook’dagi sahifasida yozib qoldirdi.
Uning aytishicha, hozirgi vaqtda ko‘pchilik uyda ekanini inobatga olib, uyidan turib internet orqali pul topishni o‘rganish juda muhim. Ko‘pchilikka bu juda qiyindek ko‘rinishi mumkin.
Mavzuga doir: “O‘zbekistonda karantin may oyida ham davom etishi ehtimoli ancha katta” — Jamshid Qo‘chqorov
Ular nafaqat Toshkentda, balki respublikamizning turli hududlarida yashab, hozirgi kunda bemalol uyidan turib, chet elga o‘z xizmatlarini ko‘rsatmoqdalar. Ya’ni bu qo‘shimcha daromad bilan birga O‘zbekistonga valyuta olib kelishga ham xizmat qiladi. Mana, ularni ba’zilarining shu vaqtgacha aqliy mehnati orqali qancha mablag‘ ishlaganini profillaridan ko‘chirmalarda ko‘rishingiz mumkin”, — deb yozadi Sherzod Shermatov.
Ish yo‘nalishlari tahlil qilinsa, yaxshi daromad topadiganlar AKT sohasi mutaxassislari ekanligi ko‘rinadi. Lekin, shu bilan birga, dizaynerlar, tarjimonlar, iqtisodiy tahlilchilar kabi qator mutaxassislar O‘zbekistonda yashab, internet orqali o‘z xizmatlarini eksport qilayotganligini kuzatish mumkin.
“Bu platforma, albatta, ingliz tilidan tashqari biron sohada yuqori malakani ham talab qiladi, lekin undan boshqa kamroq malaka talab qiladigan (shuningdek, kamroq daromad topadigan) platformalar ham anchagina, masalan www.mturk.com, www.clickworker.com va boshqalar orqali yuqori malaka talab qilmaydigan sodda ishlarni bajarib, qo‘shimcha daromad olish mumkin”, — deydi vazir.
Sherzod Shermatov shu sababli bu kabi tizimlarda ishlab tajribaga ega bo‘lgan insonlar tomonidan onlayn dars sifatida videorolik tayyorlash rejalashtirilgani, yaxshi videodars chiqsa, uni “onlayn-maktab” kanallaridagi darsdan tashqari efir orqali keng tarqatilishini bildirgan.
“Buning natijasida uyda o‘tirgan, internetga ulangan yoshlarimizning qaysidir qismi vaqtini bekor ketkazmay, juda bo‘lmasa oyiga 300-400 dollar qo‘shimcha daromad topishni boshlasa juda yaxshi ish bo‘lar edi. Bugungi selektorda davlatimiz rahbari tomonidan nafaqat karantin choralarini ko‘rish, balki aholi daromadlarining keskin pasayib ketishini oldini olish zarurligi haqida ham alohida vazifalar belgilab berildi. Ushbu yo‘nalishda qanday imkoniyatlar bo‘lsa, hammasini safarbar etishimiz, yaxshi tajribalar bo‘lsa ularni o‘rtoqlashib, boshqalarga o‘rnak sifatida kengroq yoyishimiz kerak“, — deydi vazir va yoshlarni uyda vaqtini bekor o‘tkazmay darslarini qilib, chet tillari va AKTni o‘rganishga chaqirdi.
Shuningdek, upwork orqali haqiqatda pul topganlar shunday tajribasini videodars sifatida yoritishga qiziqish bildirganlar, quyidagi havola orqali e’longa topshirishi mumkinligini va ushbu videodars uchun pul to‘lanishini bildirgan.
Izoh (0)