AQShda koronavirus tarqalishi eng yuqori cho‘qqiga chiqdi, ayrim mintaqalarda pasayish ham kuzatila boshlagan. Bu haqda AQSh prezidenti Donald Tramp Oq uyda o‘tkazilgan matbuot anjumani vaqtida ma’lum qildi, deb xabar beradi “RIA Novosti”.
“Biz kasallikning eng yuqori cho‘qqisidamiz, bunga ishonchim komil. Ayrim holatlarda pasayish kuzatilmoqda, biz jarayonni boshlab yubordik”, — deydi Amerika yetakchisi.
Matbuot anjumanida ishtirok etgan vitse-prezident Maykl Pensning so‘zlariga ko‘ra, koronavirus bilan bog‘liq vaziyat eng keskin bo‘lgan mintaqalarda barqarorlashuv belgilari tobora ko‘proq kuzatilmoqda. Vitse-prezident Nyu-York shahri, Denver va Luiziana shtatlarini misol qilib keltirgan.
Avvalroq AQSh razvedkasi Uxanda tarqalgan koronavirus halokatli bo‘lishi haqida hukumatni noyabr oyidayoq ogohlantirgani ma’lum bo‘lgandi.
Mavzuga doir:
Izoh (0)