Buyuk Britaniyada maxsus himoya kostyumlari yetmagani sabab chiqindi “paket”larini kiyishga majbur bo‘lgan uch nafar hamshira koronavirusga chalindi, deb xabar beradi The Telegraph.
Nashr London shimoli-g‘arbidagi The Northwick Park gospitalining chiqindi “paket”larni boshi va oyoqlariga kiyib olgan tibbiyot personali vakillari tasvirlangan surat haqida ma’lumot bergan. Hamshiralar koronavirus yuqtirib olgani to‘g‘risidagi xabarni tibbiyot muassasasining vakili tasdiqlagan.
Hamshiralar ishlaydigan ushbu gospital mart oyida — yangi virus bilan kasallanganlar soni keskin o‘sishi kuzatilgan vaqtida Buyuk Britaniyada birinchi bo‘lib tibbiyot jihozlari yetishmovchiligi haqida ma’lum qilgan edi. Shuningdek, ta’kidlanishicha, shifoxona rahbariyati o‘z xodimlariga tibbiy niqoblar, bosh kiyim va fartuklarni yetkazib bera olmagan.
Avvalroq Nyu-Yorkda xalatlar yetmagan shifokorlar chiqindi “paket”larini kiyishga to‘g‘ri kelishi mumkinligi haqida xabar berilgandi.
Izoh (0)