Qashqadaryolik haydovchi Spark avtomobilini soy ustidagi suv quvuridan yurgazib, narigi tomonga o‘tib o‘tgani haqida xabar berilgan edi. Voqea aks etgan video ijtimoiy tarmoqlarda tarqalgandi.
YHXBB matbuot xizmatining xabar berishicha, ushbu videodagi avtomashina haydovchisi J.A. ekanligi aniqlangan va unga nisbatan Ma’muriy javobgarlik to‘g‘risidagi kodeksning 128-5-moddasi (Transport vositalari haydovchilarining xalaqit berishi yoki avariya holatini yuzaga keltirishi, yo‘lning qarama-qarshi harakatlanish uchun mo‘ljallangan tomoniga yoki bo‘lagiga chiqishi) 2-qismiga ko‘ra bayonnoma tuzilib, 2 million 230 ming so‘m jarimaga tortildi.
Shuningdek, kelgusida boshqa haydovchilar ham o‘z salomatligini xavf ostiga qo‘ymasliklari maqsadida ushbu quvur usti tuman IIB YHXB xordimlari tomonidan to‘sib qo‘yildi.
“Hurmatli yo‘l harakati ishtirokchilari yuqoridagi haydovchi kabi o‘z hayotingizni xavf ostiga qo‘ymasligingizni va ‘Yo‘l harakati qoidalari’ga amal qilishingizni so‘rab qolamiz”, — deyiladi xabarda.
Izoh (0)