Қашқадарёлик ҳайдовчи Spark автомобилини сой устидаги сув қувуридан юргазиб, нариги томонга ўтиб ўтгани ҳақида хабар берилган эди. Воқеа акс этган видео ижтимоий тармоқларда тарқалганди.
ЙҲХББ матбуот хизматининг хабар беришича, ушбу видеодаги автомашина ҳайдовчиси Ж.А. эканлиги аниқланган ва унга нисбатан Маъмурий жавобгарлик тўғрисидаги кодекснинг 128-5-моддаси (Транспорт воситалари ҳайдовчиларининг халақит бериши ёки авария ҳолатини юзага келтириши, йўлнинг қарама-қарши ҳаракатланиш учун мўлжалланган томонига ёки бўлагига чиқиши) 2-қисмига кўра баённома тузилиб, 2 миллион 230 минг сўм жаримага тортилди.
Шунингдек, келгусида бошқа ҳайдовчилар ҳам ўз саломатлигини хавф остига қўймасликлари мақсадида ушбу қувур усти туман ИИБ ЙҲХБ хордимлари томонидан тўсиб қўйилди.
«Ҳурматли йўл ҳаракати иштирокчилари юқоридаги ҳайдовчи каби ўз ҳаётингизни хавф остига қўймаслигингизни ва ‘Йўл ҳаракати қоидалариъга амал қилишингизни сўраб қоламиз», — дейилади хабарда.
Изоҳ (0)