O‘zbekiston Bosh prokuraturasi, Bosh prokuratura huzuridagi Iqtisodiy jinoyatlarga qarshi kurashish departamenti va Majburiy ijro byurosi xodimlari koronavirusga qarshi kurash uchun o‘z ish haqlarining bir qismini beg‘araz yordam sifatida ajratdi. Bu haqda Bosh prokuratura tomonidan ma’lum qilindi.
Qayd etilishicha, COVID-19 pandemiyasiga qarshi kurashda fuqarolarni ruhan qo‘llab-quvvatlash maqsadida tashkil etilgan “O‘zbekiston Mehr-shafqat va salomatlik” jamoat fondiga tushayotgan beminnat mablag‘lar mehr-muruvvat, saxovat kabi o‘zbek xalqiga xos xislatlarni yanada ko‘proq namoyon etmoqda.
Xabar berilishicha, mazkur aksiya doirasida Bosh prokuratura, Bosh prokuratura huzuridagi Iqtisodiy jinoyatlarga qarshi kurashish departamenti va Majburiy ijro byurosi xodimlari ham ixtiyoriy ravishda o‘z ish haqlarining bir qismini mazkur fondga beg‘araz o‘tkazib berdi.
Mavzuga doir: Koronavirus aniqlangan shaxs bilan yaqin muloqotda va muloqotda bo‘lgan shaxs tushunchasi belgilandi
Eslatib o‘tamiz, 24-martdan O‘zbekistonda koronavirus infeksiyasi tarqalishiga qarshi kuchaytirilgan tartib joriy etildi, dehqon bozorlaridan tashqari barcha bozorlarning faoliyati to‘xtatildi.
Ayni paytda O‘zbekistonda koronavirusga chalinganlar soni 49 kishini tashkil etmoqda.
Mavzuga doir: Qamchiq dovonida transportlar harakati to‘xtatildi
Izoh (0)