16-martdan O‘zbekistonda karantin e‘lon qilindi. Garchi eng muhim tuzilmalar, shu jumladan banklar, avvalgidek ishlashda davom etsa-da, odamlar jamoat joylariga borishga ehtiyot bo‘lmoqda. “Kapitalbank” aksariyat bank masalalarini uzoqdan hal etish uchun sharoit yaratdi.
16-martdan boshlab “Kapitalbank”ning kontakt markazlari kuchaytirilgan rejimda ishlamoqda: (71) 200-15-15 va (71) 200-45-45. Xodimlar kecha-yu kunduz yordam berishga va savollarga javob berishga tayyor. Bankning ko‘p xizmatlaridan uydan chiqmasdan “Apelsin” ilovasida foydalanish mumkin: siz pulni so‘m va valyuta kartalari o‘rtasida o‘tkazishingiz, kreditlarni qaytarishingiz, omonatlarni ochishingiz va boshqarishingiz, “Kapitalbank”ning VISA kartalarida valyuta sotishingiz va sotib olishingiz mumkin.
“Apelsin” orqali siz tovarlar va xizmatlar uchun haq to‘lashingiz va onlayn chatda mutaxassislar bilan bog‘lanishingiz mumkin. Agar plastik karta yo‘qolgan bo‘lsa, u ilovada bloklanishi mumkin. Siz shuningdek, kartani qulfdan chiqarishingiz mumkin, ammo hozirga qadar bu faqat “Kapitalbank” kartalari uchun mumkin. Yaqin kunlarda “Kapitalbank” plastik kartalarni Internet orqali buyurtma qilish imkoniyati va rekvizitlar orqali to‘lov xizmatini ishga tushiradi.
Katta yoshdagilar uchun mobil ilova orqali mablag‘ni boshqarish qiyinroq bo‘lishi mumkin. Aloqa markazi xodimlari “Apelsin”ni o‘rnatish bo‘yicha to‘liq brifing o‘tkazishga va undan foydalanish bo‘yicha savollarga javob berishga tayyor.
Reklama huquqi asosida.
Izoh (0)