“Katta yettilik” davlatlari rahbarlari koronavirus bo‘yicha favqulodda videokonferensiya o‘tkazadi

“Katta yettilik” (G7) davlatlarining rahbarlari 16-mart kuni koronavirusning tarqalishi muhokamasiga bag‘ishlangan favqulodda videokonferensiya yig‘ilishini o‘tkazadi. Ushbu ma’lumotni Fransiya prezidenti Emmanuel Makron tasdiqlagan.

“Biz 16-mart kuni COVID-19 koronavirusining butun dunyoda tarqalishi muhokamasiga bag‘ishlangan favqulodda majlisni videoaloqa vositasida o‘tkazamiz. Unda vaksina ishlab chiqish, kasallikni davolash usullari, shuningdek, bu borada amalga oshiriladigan iqtisodiy va moliyaviy chora-tadbirlarni muhokama qilamiz”,— deb yozgan Makron Twitter’dagi sahifasida.COVID-19 koronavirusining epidemiyasi 2019-yil dekabr oyi oxirlarida Xitoyning Xubey provinsiyasi Uxan shahrida tarqalgan. Keyinchalik kasallik butun Xitoyga, so‘ngra dunyoning boshqa ko‘plab mamlakatlariga yoyildi. 13-mart holatiga ko‘ra, koronavirus bilan kasallanganlar soni 130 ming nafardan oshgan, JSST ma’lumoti bo‘yicha 5 mingdan ortiq odam infeksiya keltirib chiqargan pnevmоniya tufayli vafot etgan.