Qozog‘istonning Turkiston viloyati va O‘zbekistonni bog‘lovchi “Qoplonbek” bojxona postining yetakchi mutaxassisi pora olishda ayblanib, sudlandi. Bu haqda “Zakon.kz” xabar berdi.
Ma’lum qilinishicha, Turkiston viloyati korrupsiyaga qarshi kurash xizmati bojxona postining yetakchi mutaxassisi Jilqibayevning pora olish fakti bo‘yicha sudgacha bo‘lgan tergovni yakunlagan. Qozog‘istonlik bojxonachi tadbirkor Shintayevadan bojxona deklaratsiyasini rasmiylashtirmasdan iste’mol tovarlarini to‘siqsiz olib o‘tishi uchun 125 dollar miqdorida pora olganlikda gumon qilingan.
2020-yilning 27-fevral kuni Sariog‘och tumani sudining hukmi bilan Jilqiboyev 1,5 million tenge (3750 dollar) miqdorida jarimaga tortildi. Shu bilan birga, sudlanuvchi umrbod davlat xizmati lavozimini egallash huquqidan mahrum etildi.
Avvalroq Qirg‘izistondan o‘qishni ko‘chirish evaziga 4000 dollar olayotgan Andijon davlat universitetining 2 o‘qituvchisi qo‘lga olingan edi. Qoraqalpog‘istonda bandlikka ko‘maklashish markazi inspektori 2 million so‘m pora bilan qo‘lga tushdi.
Izoh (0)