Қозоғистоннинг Туркистон вилояти ва Ўзбекистонни боғловчи «Қоплонбек» божхона постининг етакчи мутахассиси пора олишда айбланиб, судланди. Бу ҳақда “Zakon.kz” хабар берди.
Маълум қилинишича, Туркистон вилояти коррупцияга қарши кураш хизмати божхона постининг етакчи мутахассиси Жилқибаевнинг пора олиш факти бўйича судгача бўлган терговни якунлаган. Қозоғистонлик божхоначи тадбиркор Шинтаевадан божхона декларациясини расмийлаштирмасдан истеъмол товарларини тўсиқсиз олиб ўтиши учун 125 доллар миқдорида пора олганликда гумон қилинган.
2020 йилнинг 27 февраль куни Сариоғоч тумани судининг ҳукми билан Жилқибоев 1,5 миллион тенге (3750 доллар) миқдорида жаримага тортилди. Шу билан бирга, судланувчи умрбод давлат хизмати лавозимини эгаллаш ҳуқуқидан маҳрум этилди.
Аввалроқ Қирғизистондан ўқишни кўчириш эвазига 4000 доллар олаётган Андижон давлат университетининг 2 ўқитувчиси қўлга олинган эди. Қорақалпоғистонда бандликка кўмаклашиш маркази инспектори 2 миллион сўм пора билан қўлга тушди.
Изоҳ (0)