Futbol bo‘yicha Yevropa Chempionlar Ligasining 1/8 final ilk bahsidan o‘rin olgan so‘nggi uchrashuvlar 26-fevral, chorshanba kuni bo‘lib o‘tdi.
Madridning “Real” klubi o‘z maydonida “Manchester Siti”ni qabul qildi. Uchrashuvning birinchi bo‘limi teng kurashlar ostida o‘tdi va har ikki jamoada ham bir nechta qulay imkoniyatlar yuzaga keldi. Biroq gollar tanaffusdan keyin urildi. 60-daqiqada Isko madridliklarning tezkor hujumidan keyin mehmonlar darvozasini ishg‘ol qildi.
Biroq inglizlar bunga ikkita gol bilan javob qaytardi. 78-daqiqada Gabriel Jezus qanotdan uzatilgan to‘pni madridliklar darvozasiga joylab qo‘ydi. 83-daqiqada esa Kevin de Bryuyne penaltidan unumli foydalanib, yakuniy hisobni o‘rnatdi. Bundan tashqari, 86-daqiqada Serxio Ramos to‘g‘ridan to‘g‘ri qizil kartochkaga loyiq ko‘rildi.
“Yuventus” esa “Lion” maydonida mehmon bo‘ldi. 31-daqiqada Lyuka Tuzar maydon egalarini oldinga olib chiqdi. Mazkur gol o‘yinda yagonaligini saqlab qoldi.
Ushbu juftliklar o‘rtasidagi javob o‘yinlari 17-mart kuni bo‘lib o‘tadi.
YChL
1/8 final, ilk bahs
26-fevral, chorshanba
“Real” — “Manchester Siti” 1:2
Gollar: 1:0 — 60 Isko, 1:1 — 78 Gabriel Jezus, 1:2 — 83, penalti de Bryuyne.“Real Madrid”: Kurtua, Karvaxal, Varan, Ferlan Mendi, Ramos, Kazemiro, Modrich (Vaskes, 84), Isko (Yovich, 84), Valverde, Vinisius Junior (Beyl, 75), Benzema.
“Manchester Siti”: Ederson, Benjamen Mendi, Otamendi, Lyaport (Fernandinyo, 33), Uoker, Gundo‘g‘an, de Bryuyne, Bernardu Silva (Sterling, 73), Rodri Ernandes, Mahrez, Gabriel Jezus.
Ogohlantirishlar: Benjamen Mendi (29), Valverde (48), Modrich (54).
Chetlatish: Ramos (86).
“Lion” — “Yuventus” 1:0
Gollar: 1:0 – 31 Tuzar.“Lion”: Antoni Lopesh, Marselo, Denayer, Marsal, Dyubua (Tete, 78), Tuzar, Bruno Gimaraes, Auar, Korne (Andersen, 81), Toko-Ekambi (Terye, 66), Dembele.
“Yuventus”: Shchensni, Bonuchchi, Aleks Sandro, Danilo, de Ligt, Rabyo (Bernardeski, 78), Pyanich (Remzi, 62), Bentankur, Kuadrado (Iguain, 70), Ronaldu, Dibala.
Ogohlantirishlar: Marselo (28), Korne (61).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)