Футбол бўйича Европа Чемпионлар Лигасининг 1/8 финал илк баҳсидан ўрин олган сўнгги учрашувлар 26 февраль, чоршанба куни бўлиб ўтди.
Мадриднинг «Реал» клуби ўз майдонида «Манчестер Сити»ни қабул қилди. Учрашувнинг биринчи бўлими тенг курашлар остида ўтди ва ҳар икки жамоада ҳам бир нечта қулай имкониятлар юзага келди. Бироқ голлар танаффусдан кейин урилди. 60-дақиқада Иско мадридликларнинг тезкор ҳужумидан кейин меҳмонлар дарвозасини ишғол қилди.
Бироқ инглизлар бунга иккита гол билан жавоб қайтарди. 78-дақиқада Габриэль Жезус қанотдан узатилган тўпни мадридликлар дарвозасига жойлаб қўйди. 83-дақиқада эса Кевин де Брюйне пенальтидан унумли фойдаланиб, якуний ҳисобни ўрнатди. Бундан ташқари, 86-дақиқада Серхио Рамос тўғридан-тўғри қизил карточкага лойиқ кўрилди.
«Ювентус» эса «Лион» майдонида меҳмон бўлди. 31-дақиқада Люка Тузар майдон эгаларини олдинга олиб чиқди. Мазкур гол ўйинда ягоналигини сақлаб қолди.
Ушбу жуфтликлар ўртасидаги жавоб ўйинлари 17 март куни бўлиб ўтади.
ЕЧЛ
1/8 финал, илк баҳс
26 февраль, чоршанба
«Реал» — «Манчестер Сити» 1:2
Голлар: 1:0 — 60 Иско, 1:1 — 78 Габриэль Жезус, 1:2 — 83, пенальти де Брюйне.«Реал Мадрид»: Куртуа, Карвахаль, Варан, Ферлан Менди, Рамос, Каземиро, Модрич (Васкес, 84), Иско (Йович, 84), Вальверде, Винисиус Жуниор (Бэйл, 75), Бензема.
«Манчестер Сити»: Эдерсон, Бенжамен Менди, Отаменди, Ляпорт (Фернандиньо, 33), Уокер, Гундўған, де Брюйне, Бернарду Сильва (Стерлинг, 73), Родри Эрнандес, Маҳрез, Габриэль Жезус.
Огоҳлантиришлар: Бенжамен Менди (29), Вальверде (48), Модрич (54).
Четлатиш: Рамос (86).
«Лион» — «Ювентус» 1:0
Голлар: 1:0 – 31 Тузар.«Лион»: Антони Лопеш, Марсело, Денаер, Марсал, Дюбуа (Тете, 78), Тузар, Бруно Гимараэс, Ауар, Корне (Андерсен, 81), Токо-Экамби (Терье, 66), Дембеле.
«Ювентус»: Шченсни, Бонуччи, Алекс Сандро, Данило, де Лигт, Рабьо (Бернардески, 78), Пьянич (Рэмзи, 62), Бентанкур, Куадрадо (Игуаин, 70), Роналду, Дибала.
Огоҳлантиришлар: Марсело (28), Корне (61).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)