O‘zbekistonning 13 ta yirik davlat kompaniyasida kelgusi ikki yilda islohot o‘tkazish rejalashtirilmoqda. Bu Davlat aktivlarini boshqarish agentligi tomonidan tayyorlangan Prezident farmoni loyihasida ko‘zda tutilgan.
Loyihada aytilishicha, O‘zbekistonda uch yildan buyon davlat iqtisodiyotga aralashuvni asta-sekin kamaytirmoqda, yirik kompaniyalarni isloh qilmoqda, ammo davlat ishtirokidagi korxonalarning ishlab chiqarish quvvatlaridan foydalanish darajasi, shuningdek, ularning sifati past darajada qolmoqda.
Qayd etilishicha, energiya tejaydigan uskunalarni joriy etish bo‘yicha tizimli ishlarning yo‘qligi mahsulotning narxiga ta’sir qiladi va korxonalarning raqobatbardoshligining pasayishiga olib keladi hamda sohaga investitsiyalar jalb qilinishini cheklaydi.
Qaror loyihasiga ko‘ra, 2020—2021-yillarda isloh qilinishi rejalashtirilgan kompaniyalar ro‘yxatiga quyidagilar kirgan:
- “O‘zbektelekom”;
- “O‘zbekiston temir yo‘llari”;
- “O‘zmaxsusmontajqurilish”;
- “O‘zdonmahsulot”;
- “O‘zbekoziqovqatxolding”;
- “O‘zavtosanoat”;
- “O‘zagrosanoattexxolding”;
- “O‘zagrokimyohimoya”;
- “Toshshahartransxizmat”;
- “O‘zpaxtasanoat”;
- “O‘zagroservis”;
- “O‘zkimyosanoat”;
- “O‘zbekkino”.
Izoh (0)