Ўзбекистоннинг 13 та йирик давлат компаниясида келгуси икки йилда ислоҳот ўтказиш режалаштирилмоқда. Бу Давлат активларини бошқариш агентлиги томонидан тайёрланган Президент фармони лойиҳасида кўзда тутилган.
Лойиҳада айтилишича, Ўзбекистонда уч йилдан буён давлат иқтисодиётга аралашувни аста-секин камайтирмоқда, йирик компанияларни ислоҳ қилмоқда, аммо давлат иштирокидаги корхоналарнинг ишлаб чиқариш қувватларидан фойдаланиш даражаси, шунингдек, уларнинг сифати паст даражада қолмоқда.
Қайд этилишича, энергия тежайдиган ускуналарни жорий этиш бўйича тизимли ишларнинг йўқлиги маҳсулотнинг нархига таъсир қилади ва корхоналарнинг рақобатбардошлигининг пасайишига олиб келади ҳамда соҳага инвестициялар жалб қилинишини чеклайди.
Қарор лойиҳасига кўра, 2020—2021 йилларда ислоҳ қилиниши режалаштирилган компаниялар рўйхатига қуйидагилар кирган:
- «Ўзбектелеком»;
- «Ўзбекистон темир йўллари»;
- «Ўзмахсусмонтажқурилиш»;
- «Ўздонмаҳсулот»;
- «Ўзбекозиқовқатхолдинг»;
- «Ўзавтосаноат»;
- «Ўзагросаноаттеххолдинг»;
- «Ўзагрокимёҳимоя»;
- «Тошшаҳартрансхизмат»;
- «Ўзпахтасаноат»;
- «Ўзагросервис»;
- «Ўзкимёсаноат»;
- «Ўзбеккино».
Изоҳ (0)