O‘zbekistonda 2020-yilda avtomobil import qilish hajmi keskin qisqardi. Bu haqda Davlat statistika qo‘mitasi ma’lumotlariga tayanib, Spot xabar berdi.
2020-yilning yanvar oyida O‘zbekistonga import qilingan avtomobillarning qiymati 25,5 million dollarni tashkil qilgan. Bu 2019-yil yanvar oyidagiga qaraganda 28,4 million dollarga kamroqni tashkil qiladi.
Nashrning yozishicha, bunday keskin qisqarishga 2019-yilda narxi 40 ming dollardan ortiq bo‘lgan avtomobillar importi uchun imtiyozlar amalda bo‘lgani va 2020-yilning 1-yanvaridan mazkur imtiyozlarning bekor qilingani sabab bo‘lgan.
Avvalroq “O‘zavtosanoat” ichki bozorda BMW va Toyota bilan raqobat qilmoqchi ekanligini bildirgan, chunki 2019-yilda mazkur kompaniyalarning premium sinfidagi avtomobillari importi anchagina o‘sgan. Aynan ana shu segmentdagi BMW avtomobillari importi o‘tgan yilda 2018-yilga nisbatan 400 marta ortgan, Toyota’da esa o‘sish 200 martani tashkil qilgan.Shuningdek, “O‘zavtosanoat” xorijiy avtomobillarga nisbatan imtiyozlarning bekor qilinishiga aloqador emasligini bildirgan.
Izoh (0)