Uzbekistan Airways kompaniyasi Navro‘z bayrami munosabati bilan 21—23-mart kunlari O‘zbekiston hududi bo‘ylab barcha reyslarga 50 foizgacha chegirmalar e’lon qildi. Bu haqda kompaniya tomonidan ma’lum qilindi.
Kompaniya tomonidan xabar berilishicha, chegirmalar quyidagi tartibda taqdim etiladi:
- individual yo‘lovchilar uchun — 30 foiz;
- sayyohlik guruhlari va ta’lim muassalari o‘quvchilari, talabalari va tinglovchilari uchun — 40 foiz;
- oilalar uchun (ikki yoki undan ko‘p kishi: er va xotin; er, xotin va ularning 18 yoshgacha bo‘lgan farzandlari) — 50 foiz;
- nafaqaxo‘r va nogironlar uchun — 50 foiz;
- Ikkinchi jahon urushi qatnashchilari va ularga tenglashtirilganlar, urush davridagi mehnati va xizmati uchun orden va medallar bilan taqdirlangan shaxslar uchun — 50 foiz;
- Chernobil AES fojiasi oqibatlarini bartaraf etishda ishtirok etgan fuqarolar uchun — 50 foiz.
Avvalroq Uzbekistan Airways o‘z xodimlarining yangi formasini taqdim etgani va to‘rtta Boeing samolyotini sotuvga qo‘ygani haqida xabar berilgan edi.
Izoh (0)