Jinoyat ishlari bo‘yicha sudlar 2019-yilda 859 nafar fuqaroni oqlagan

Jinoyat ishlari bo‘yicha sudlar o‘tgan 2019-yilda 859 nafar fuqaroni oqlagan. Bu haqda sud raisi Maxfirat Ochilova deputatlarga bergan hisobotida ta’kidlab o‘tdi.

Ma’lum bo‘lishicha, JIB Kasbi tuman sudi raisi Maxfirat Ochilova, Ma’muriy sud raisi Akmal Bobonazarovlar 2019-yilda amalga oshirgan ishlari haqida tuman deputatlariga hisobot bergan.

— O‘tgan uch yil davomida sudlar 1989 nafar fuqaroga oqlov hukmini chiqargan bo‘lsa, shundan 859 nafar 2019-yilda oqlangan, - deydi Maxfirat Ochilova. — Shundan o‘tgan yilning o‘zida 3081 nafar fuqaro sud zalidan ozod qilingan bo‘lsa, 2623 nafar fuqaroga asossiz qo‘yilgan moddalar ayblovdan chiqarilgan.

Kasbi tuman Ma’muriy sudi raisi Akmal Bobonazarov ham tuman deputatlariga hisoboti davomida Prezident tomonidan ilgari surilgan fikr — Sud ostonasiga kirgan inson, adolat borligiga ishonishi kerak degan tamoyil asosida ish olib borayotganini ta’kidladi.

Jinoyat ishlari bo‘yicha Kasbi tuman sudi raisi Maxfirat Ochilovaning ta’kidlashicha, 2019 yil tumanning “Oqqamish”, “Cho‘lquvar”, “Mesit” mahallalarida jinoyatchilik ko‘paygan.

Ma’lumot berilishicha, JIB Kasbi tuman sudi 2019-yilda 109 nafar shaxsga nisbatan 72 ta jinoyat ishini ko‘rib chiqqan.