Жиноят ишлари бўйича судлар ўтган 2019 йилда 859 нафар фуқарони оқлаган. Бу ҳақда суд раиси Махфират Очилова депутатларга берган ҳисоботида таъкидлаб ўтди.
Маълум бўлишича, ЖИБ Касби туман суди раиси Махфират Очилова, Маъмурий суд раиси Акмал Бобоназаровлар 2019 йилда амалга оширган ишлари ҳақида туман депутатларига ҳисобот берган.
— Ўтган уч йил давомида судлар 1989 нафар фуқарога оқлов ҳукмини чиқарган бўлса, шундан 859 нафар 2019 йилда оқланган, - дейди Махфират Очилова. — Шундан ўтган йилнинг ўзида 3081 нафар фуқаро суд залидан озод қилинган бўлса, 2623 нафар фуқарога асоссиз қўйилган моддалар айбловдан чиқарилган.
Касби туман Маъмурий суди раиси Акмал Бобоназаров ҳам туман депутатларига ҳисоботи давомида Президент томонидан илгари сурилган фикр — Суд остонасига кирган инсон, адолат борлигига ишониши керак деган тамойил асосида иш олиб бораётганини таъкидлади.
Жиноят ишлари бўйича Касби туман суди раиси Махфират Очилованинг таъкидлашича, 2019 йил туманнинг «Оққамиш», «Чўлқувар», «Месит» маҳаллаларида жиноятчилик кўпайган.
Маълумот берилишича, ЖИБ Касби туман суди 2019 йилда 109 нафар шахсга нисбатан 72 та жиноят ишини кўриб чиққан.
Изоҳ (0)