O‘zbekiston Respublikasi Prezidenti Shavkat Mirziyoyev Turkiya Respublikasi rahbari Rajab Toyyib Erdo‘g‘onning taklifiga binoan 19—20-fevral kunlarida qilgan tashrifi yakunlandi. Bu haqda Prezident matbuot xizmati xabar berdi.
Davlat rahbarlari dastlab tor doirada muzokara o‘tkazdi. Prezidentlar raisligida Oliy darajadagi strategik hamkorlik kengashining birinchi yig‘ilishi bo‘lib o‘tdi.
Muzokaralarda mamlakatlar hamkorligiga oid barcha masalalar va ularning yechimlari, istiqboldagi asosiy vazifalar hamda qo‘shma loyihalar yuzasidan kelishuvlarga erishildi.
Strategik hamkorlik kengashining birinchi yig‘ilishi natijalari to‘g‘risida qo‘shma bayonot, shuningdek, iqtisodiyot, savdo, texnologiyalar sohasiga oid hujjatlar imzolandi.
Mavzuga doir: Shavkat Mirziyoyev: O‘zbekistonga kirgan kompaniya, albatta, manfaat topadi. Men bunga kafolat beraman
Shavkat Mirziyoyevni “Esonbug‘a” aeroportida Turkiya prezidenti Rajab Toyyib Erdo‘g‘on kuzatib qo‘ydi.
Izoh (0)