Futbol bo‘yicha Angliya Premyer Ligasining 26-turidan o‘rin olgan bahsda “Liverpul” “Norvich”ni Sadio Manening goli evaziga 1:0 hisobida mag‘lub etdi.
Bu orqali Yurgen Klopp jamoasi Angliya chempionatidagi mag‘lubiyatsiz o‘yinlar seriyasini 43 taga yetkazib oldi. Bu orqali “Liverpul” 1977—1978-yillarda “Nottinhem Forest” klubi tomonidan qayd etilgan natijadan o‘zib ketdi. “Forest” 42 ta o‘yinda mag‘lubiyatga uchramagandi.
Mutlaq rekord esa hozircha “Arsenal”ga tegishli. London klubi 2003—2004-yillarda 49 ta o‘yinda iborat mag‘lubiyatsiz seriya qayd etgandi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)