Futbol bo‘yicha Fransiya chempionatining 25-turida PSJ 15-fevral, shanba kuni “Amyen”ga qarshi bahs olib bordi.
Gollarga boy bo‘lgan bahsda 4:4 hisobidagi jangovar durang qayd etildi. Dastlab maydon egalari ketma-ket uchta to‘p kiritgan holda oldinga o‘tib oldi. Bunga parijliklar 17 yoshli Nyansu Kuassining dubli, Ander Errera va Mauro Ikardining gollari bilan javob qaytardi.
Hakam tomonidan qo‘shib berilgan vaqtda Seru Girassi “Amyen”ning to‘rtinchi golini urgan holda muvozanatni tikladi.
PSJ 62 ochko bilan Fransiya chempionatida peshqadamlik qilmoqda, “Amyen” (21) esa 19-o‘rindan joy olgan.
Liga 1
25-tur bahsi
15-fevral, shanba
“Amyen” – PSJ 4:4
Gollar: 1:0 – 5 Girassi, 2:0 – 29 Kakuta, 3:0 – 40 Diabate, 3:1 – 45 Errera, 3:2 – 60 Kuassi, 3:3 – 65 Kuassi, 3:4 – 74 Ikardi, 4:4 – 90+1 Girassi.“Amyen”: Gyurtner, Sheju, Kalabrezi (Jalle, 79), Opoku, Aleesami, Kakuta, Blen, Otero (Kornett, 78), Zungu, Diabate (Mbenza, 84), Girassi.
PSJ: Navas, Bakker, Tiago Silva (Markinyos, 46), Kuassi, Guye (Verratti, 46), Errera, Paredes (Bernat, 61), Draksler, Di Mariya, Ikardi, Kavani.
Ogohlantirishlar: Bakker (49), Blen (71), Kakuta (81), Girassi (90), Verratti (90).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)