22—26-yanvar kunlarida shahardagi shifoxonalarga bir nechta fuqarolarning alkogolik zaharlanish belgilari bilan murojaat qilgani qayd qilingan. Bu haqda Toshkent shahar IIBB xabar berdi.
Xabarda yozilishicha, 22-yanvar 11:50 da Yashnobod tumanida yashovchi 40 yoshli I.B. shifoxonaga alkogol mahsulotidan zaharlanish belgilari bilan yotqizilgan, shuningdek, shu kuni soat 14:00 da Chilonzor tumanida 30-35 yosh atrofidagi erkak kuchli darajada mastlik holatida tibbiy yordamga muhtoj vaziyatda shifoxonaga olib kelingan.
22-yanvarda Mirobod tumanida yashovchi 50 yoshli A.G., 23-yanvar 05:45 da 27 yoshli M.A., shu kuni soat 13:20 da Chilonzorda yashovchi 50 yoshli B.R. ham alkogol ichimligidan zaharlanish alomatlari bilan shifoxonaga murojaat qilgan.
24-yanvar soat 10:50 da 16 yoshli maktab o‘quvchisi Z.M., 18:00 da Yashnobod tumanida yashovchi 29 yoshli V.D. ham ushbu belgilar bilan shifoxonaga kelgan. Barcha fuqarolarga tibbiy yordam ko‘rsatilgan, deb yozmoqda Toshkent shahar IIBB.
Izoh (0)