22–26 январь кунларида шаҳардаги шифохоналарга бир нечта фуқароларнинг алкоголик заҳарланиш белгилари билан мурожаат қилгани қайд қилинган. Бу ҳақда Тошкент шаҳар ИИББ хабар берди.
Хабарда ёзилишича, 22 январь 11:50 да Яшнобод туманида яшовчи 40 ёшли И.Б. шифохонага алкогол маҳсулотидан заҳарланиш белгилари билан ётқизилган, шунингдек, шу куни соат 14:00 да Чилонзор туманида 30-35 ёш атрофидаги эркак кучли даражада мастлик ҳолатида тиббий ёрдамга муҳтож вазиятда шифохонага олиб келинган.
22 январда Миробод туманида яшовчи 50 ёшли А.Г., 23 январь 05:45 да 27 ёшли М.А., шу куни соат 13:20 да Чилонзорда яшовчи 50 ёшли Б.Р. ҳам алкогол ичимлигидан заҳарланиш аломатлари билан шифохонага мурожаат қилган.
24 январь соат 10:50 да 16 ёшли мактаб ўқувчиси З.М., 18:00 да Яшнобод туманида яшовчи 29 ёшли В.Д. ҳам ушбу белгилар билан шифохонага келган. Барча фуқароларга тиббий ёрдам кўрсатилган, деб ёзмоқда Тошкент шаҳар ИИББ.
Изоҳ (0)