Prezident Shavkat Mirziyoyev 24-yanvar, juma kuni Oliy Majlisga yo‘llagan murojaatnomasida pedagogik ta’lim yo‘nalishida o‘qish muddati uch yil etib belgilanishini ma’lum qilgandi.
Oliy va o‘rta maxsus ta’lim vazirligi axborot xizmatining “Daryo”ga ma’lum qilishicha, pedagogik oliy ta’lim muassasalarida 6 ta ta’lim yo‘nalishi bo‘yicha o‘qish muddati uch yil etib belgilanishi rejalashtirilgan.
2020/2021-o‘quv yilidan o‘qish muddati uch yil bo‘lgan bakalavriat ta’lim dasturlari asosida amalga oshiriladigan pedagogik ta’lim sohasining ta’lim yo‘nalishlari:
- Musiqa ta’limi;
- Jismoniy madaniyat;
- Texnologik ta’lim;
- Chaqiriqqacha harbiy ta’lim;
- Tasviriy san’at va muhandislik grafikasi;
- Maktabgacha va boshlang‘ich ta’limda jismoniy tarbiya va sport.
Eslatib o‘tamiz, Shavkat Mirziyoyev Oliy Majlisga murojaatnomasida respublikadagi oliy ta’lim muassasalarida davlat grantlari ikki barobar ko‘paytirilishi, qizlar uchun alohida grant o‘rinlari ajratilishi haqida ham to‘xtalib o‘tdi.
Izoh (0)