O‘zbekistonning ijtimoiy-iqtisodiy hayotiga oid va jamoatchilikda alohida qiziqish uyg‘otadigan o‘ta muhim masalalarga doir qarorlarni qabul qilishda jamoatchilik bilan maslahatlar, jamoatchilik eshituvlarini o‘tkazish majburiyligini aniq belgilash kerak.
“Jamoatchilik ma’qul desa ma’qul, noma’qul desa noma’qul bo‘ladi”, — dedi Prezident Shavkat Mirziyoyev 24-yanvar kuni Oliy Majlis Qonunchilik palatasi va Senatiga yo‘llagan Murojaatnomasida. Tadbir Tashkent City‘dagi Kongress markazida bo‘lib o‘tdi.
Prezident Shavkat Mirziyoyev jamoatchilik nazoratini yanada kuchaytirish, “davlat va jamiyat o‘rtasida o‘zaro yaqin hamkorlik o‘rnatish” maqsadida O‘zbekiston Jamoatchilik palatasini tashkil etishni taklif qildi.
“BMTning Barqaror rivojlanish maqsadlarini bajarishda parlament, hukumat va fuqarolik jamiyati institutlarining amaliy hamkorligini yo‘lga qo‘yish, bu masala bo‘yicha muntazam ravishda parlament va jamoatchilik eshituvlarini tashkil etish lozim”, — deya qo‘shimcha qildi davlat rahbari.
Mavzuga doir:
- Shavkat Mirziyoyev: O‘zbekistonga 1995-yilgacha kelgan va shundan buyon istiqomat qilayotganlarga fuqarolik avtomatik tarzda beriladi
- Toshkentda yerosti silkinishlari sezildi. Bu vaqtda Prezident propiska tizimi haqida gapirayotgan edi
- Shavkat Mirziyoyev — Yevrosiyo iqtisodiy ittifoqi bilan hamkorlik haqida: “Xalq vakillari nima desa shu bo‘ladi”
- Shavkat Mirziyoyev 2020-yilni “Ilm-ma’rifat va raqamli iqtisodiyotni rivojlantirish yili” deb e’lon qildi
Izoh (0)