Buyuk Britaniya qirolichasi Yelizaveta II “Brekzit” haqidagi qonunni imzoladi. Qonun mamlakatga 2020-yil 31-yanvarda Yevroittifoqdan chiqishga imkon beradi. Bu haqda Meduza xabar berdi.
Ma’lum qilinishicha, 24-yanvar, juma kuni Bryusselda bo‘lib o‘tadigan marosimda hujjat Yevropa kengashi va Yevropa komissiyasi rahbarlari tomonidan imzolanadi. Shuningdek, qonun Yevroparlament tomonidan ratifikatsiya qilinishi kerak.
Dastlab “Brekzit” 2019-yilning mart oyiga rejalashtirilgan edi, biroq Buyuk Britaniya parlamenti va hukumatining Yevroittifoqdan chiqish shartlari yuzasidan kelisha olmagani sababli jarayon bir necha marta ortga surildi.
2019-yilning dekabr oyida “Brekzit”ni tezroq amalga oshirish tarafdori bo‘lgan bosh vazir Boris Jonsonning Konservativ partiyasi parlament saylovida ishonchli g‘alabaga erishdi.
Qonun loyihasi 22-yanvar, chorshanba kuni Lordlar palatasi tomonidan qabul qilingan va imzolash uchun qirolicha Yelizaveta II ga jo‘natilgan edi.
Izoh (0)