Xitoy hukumati yangi turdagi koronavirus tarqalgan Uxan shahridan chiqishni yopib qo‘ydi, deb xabar berdi Meduza. Shaharda 11,8 million kishi yashaydi.
Shaharda avtobus, temiryo‘l harakati va aviaqatnovlar to‘xtatilgan.
Uxandagi temiryo‘l vokzali politsiya tomonidan o‘rab olingan. U yerda deyarli hech kim yo‘q.
— Vokzalda qandaydir ekstraordinar xavfsizlik choralarini ko‘rishayotganini sezmadim. Faqat platformadan tushgan joyda yuqori tana haroratini aniqlovchi uskuna turibdi. Ratsiya orqali aholi Uxanni tark etmasligi haqida ogohlantirilmoqda, — deb yozadi New York Times’ning Uxandagi muxbiri Kris Bakli.
Arriving in Wuhan. The station is, as you might expect, unusually quiet. One of the passengers pulled down his mask to have a smoke before getting back on the train. pic.twitter.com/hjTKJZg0of
— Chris Buckley 儲百亮 (@ChuBailiang) January 23, 2020
At Wuhan Railway station at least I have not seen extraordinary security, or health checks — apart from what looked like a fever detector at the exit to the platform. A loudspeaker announcement tells says residents should not leave Wuhan and the station is temporarily closed. pic.twitter.com/ctNBITCcII
— Chris Buckley 儲百亮 (@ChuBailiang) January 23, 2020
https://twitter.com/hancocktom/status/1220233308342308864
Uxandan faqat shaxsiy avtomobilda chiqib ketish mumkin. Biroq shaharda bir nechta nazorat-o‘tkazish punktlari ishlamoqda. Punktlarda haydovchi va yo‘lovchilarda kasallik belgilari bor-yo‘qligi tekshirilmoqda.
Karantin rejimi necha kun davom etishi noma’lum. Uxan aholisi vaziyat yaxshilanishiga umid qilmoqda hamda supermarketlardan oziq-ovqat mahsulotlarini ko‘p sotib olib, g‘amlab qo‘ymoqda.
The shopping streets around Wuchang District in Wuhan are very quiet. Most, if not all, shops are closed, and there are few passers by. So far — and it is early days — I haven’t seen any large contingents of police or People’s Armed Police. pic.twitter.com/Zy0DJbTj0K
— Chris Buckley 儲百亮 (@ChuBailiang) January 23, 2020
Ayrim do‘konlarda rastalar bo‘shab qolgan. Odamlar imkon qadar ko‘chaga chiqmaslikka harakat qilmoqda. Uylarda dezinfeksiya o‘tkazilmoqda.
Eslatib o‘tamiz, Xitoyning aholi zich joylashgan Uxan shahrida pnevmoniyaning noma’lum turi paydo bo‘lishiga ilgari noma’lum bo‘lgan koronavirus sabab bo‘lgani aniqlangan. Olimlar hisob-kitobiga ko‘ra, virusni yuqtirib olganlar soni 1 723 ming nafarni tashkil qilgan. Ushbu natija Xitoy tashqarisida virus bilan zararlanish holatlari kuzatilgan holatlar hisob-kitobi tahlili asosida olingan. Hozirda virus yuqtirib olganlar va kasallik oqibatida vafot etganlar soni ortib bormoqda.
O‘zbekiston TIV koronavirus tufayli Xitoyga borishni rejalashtirayotgan o‘zbekistonliklarni yana bir bor ehtiyot choralarini ko‘rishga chaqirgandi. Vazirlik avval ham bu haqda fuqarolarni ehtiyotkorlikka chaqirgan. SSV esa Xitoyda tarqalgan koronavirus tufayli chegaradagi sanitar nazoratni kuchaytirgan.
Shuningdek, O‘zbekiston Milliy Olimpiya qo‘mitasi Xitoyning Uxan shahrida Osiyo—Okeaniya mintaqalari uchun boks bo‘yicha 3—14-fevral kunlari bo‘lib o‘tadigan Tokio olimpiadasi musobaqasi bekor qilinganini ma’lum qilgan.
Koronavirus xavfi tufayli Yevropaning bir nechta kompaniyasi oxirgi uch haftada jiddiy moliyaviy zarar ko‘rgan. Xitoyda koronavirus haqidagi ma’lumotlarni yashirgan shaxslar umrbod sharmanda bo‘lishdan ogohlantirilgan, shuningdek, mamlakatda plastik paket va naychalardan foydalanish taqiqlangan. Avvaliga Xitoyning Uxan shahrida ommaviy turizm taqiqlandi, keyinroq Shimoliy Koreya koronavirus sababli mamlakatga turistlarning kirishiga taqiq qo‘ygan. Virus sabab Forbes’ning eng boy odamlar ro‘yxatida yetakchi almashdi.
Izoh (0)