Prezident Nikolas Maduro kichik biznes vakillari bilan uchrashuv Venesueladagi giperinflyatsiyani sekinlashtirish mumkinligini bildirdi, deb xabar bermoqda “Kommersant”. Uning aytishicha, inflyatsiyani aniq ko‘rsatkichga yetkazish hukumat maqsadidir.
“Biz valyuta ayirboshlash tizimini barqarorlashtirish maqsadlarimizga amal qilishimiz kerak”, — degan Maduro. Uning bayonoti Twitter’da onlayn namoyish etilgan. Prezident giperinflyatsiya iqtisodiy urishning siyosiy va tashqi omillari sabab yuzaga kelganini ta’kidlagan va uni aniq ko‘rsatkichga yetkazishga va’da bergan.
Qayd etilishicha, 2018-yilda Venesuela inflatsiya ko‘rsatkichi 130,060 foizga yetgan. Bu mamlakatdagi inflyatsiya darajasi haqida 2016-yildan buyon e’lon qilingan dastlabki rasmiy ma’lumot edi. Ungacha Markaziy bank bu ma’lumotlarni oshkor etishni xohlamagan.
2015-yildan so‘ng inflatsiya haqidagi ma’lumotni Venesuela parlamenti e’lon qilgan. 2019-yilning martida parlament deputati Xose Gerra 2018-yilning fevralidan 2019-yilning fevraligacha mamlakatdagi iste’mol narxlari o‘sishi 2 million 296 ming foizni tashkil qilganini aytgan.
Izoh (0)