Nur-Sulton aeroportida 11 ta reys bekor qilindi va 38 tasi kechiktirilmoqda

Qozog‘istondagi Nursulton Nazarboyev xalqaro aeroportida 38 ta reys qoldirildi va 11 ta reys bekor qilindi. Bu haqda “Inform Byuro” xabar berdi.

Samolyotning boshqa shaharlardan kech kelishi va belgilangan aeroportda ob-havo yomonligi sababli 22 ta reys kechikmoqda:

• “Eyr Astana” aviakompaniyasining 9 ta reysi (shu jumladan Omsk, Toshkent, Moskva va Kiyevdan xalqaro reyslar);
• SCAT aviakompaniyasining 8 ta reysi (shu jumladan Ulan-Bator, Moskva va Pragadan xalqaro parvozlar);
• Qazaq Air aviakompaniyasining Olmaota va Qo‘stanayga ikkita reysi;
• Fly Arystan aviakompaniyasining Pavlodar, Olmaota va Qo‘stanayga 3 ta reysi.

Samolyotning boshqa shaharlardan kech kelayotgan havo kemasi va aeroportda ob-havo yomonligi sababli 16 ta reys kechikmoqda (shamolning tezligi sekundiga 20 metr):

• “Eyr Astana” aviakompaniyasining 6 ta reysi (shu jumladan Toshkent va Kiyevga xalqaro reyslar);
• SCAT aviakompaniyasining 6 ta reysi (shu jumladan Moskva va Pragaga xalqaro reyslar);
• Qazaq Air va Fly Arystan aviakompaniyalarining 4 ta reysi.

Lufthansa aviakompaniyasining Frankfurtga, Turk havo yo‘llarining Istanbulga, LOT Polish’ning Varshavaga, “Eyr Astana”, Qazaq Air, SCAT reyslari bekor qilindi. Kuchli shamol sababli (sekundiga 15 metr va undan yuqori) parvoz xavfsizligini ta’minlash maqsadida havo kemalariga muzlashga qarshi suyuqlik bilan ishlov berishga yo‘l qo‘yilmaydi. Ta’kidlanishicha, Nursulton Nazarboyev xalqaro aeroporti normal rejimda ishlamoqda.

Uzbekistan Airways aviakompaniyasi bergan ma’lumotlarga ko‘ra, HY721 / 722 yo‘nalishidagi Toshkent—Nur-Sulton—Toshkent yo‘nalishi aeroportda yomon ob-havo tufayli va samolyotni xavfsiz qabul qilish va jo‘natish imkoniyati bo‘lmaganligi sababli bekor qilingan.