Ichki ishlar vazirligi 16-yanvar kuni Telegram kanallarida psixiatr qabuliga kelgan 40—45 yoshdagi fuqaroning poliklinika binosidan o‘zini tashlamoqchi bo‘lganligi tasvirlangan video yuzasidan rasmiy munosabat bildirdi.
Aniqlanishicha, shu kuni soat taxminan 08:30 larda Qoraqalpog‘iston Respublikasi Amudaryo tumani Qilichboy ovul fuqarolar yig‘inida yashovchi fuqaro profilaktika inspektori leytenant A.Yuldoshevga telefon orqali murojaat qilib, unda akasi Q.E.ning ruhiy kasalligi qo‘zg‘agani sababli o‘ziga pichoq urmoqchi bo‘layotganini ma’lum qilgan.
Profilaktika inspektori A.Yuldoshev chaqirilgan manzilga yetib borganida haqiqatan ham fuqaro Q.E. o‘z uyida oshxona pichog‘ini o‘ziga urmoqchiligini aytib baqir-chaqir qilayotganiga guvoh bo‘lgan va fuqaroni tinchlantirib, uni qo‘lidagi pichoqni olib qo‘ygan va tegishli hujjatlar rasmiylashtirish uchun uni ruhiy kasalliklar shifoxonasiga olib borgan.
Tuman markaziy shifoxonasining ikkinchi qavatida ushlab turilgan vaqtida fuqaro Q.E. qochish niyatida ikkinchi qavat derazasini oshib o‘tib, pastga sakramoqchi bo‘lgan vaqtida profilaktika inspektorlari A.Yuldoshev va M.Dusenbayev uni ushlab qolgan.
Fuqaro Q.E. shu kunning o‘zida Nukus shahridagi ruhiy-asab kasalliklari shifoxonasiga yotqizilgan.
Izoh (0)