Ички ишлар вазирлиги 16 январь куни Telegram каналларида психиатр қабулига келган 40—45 ёшдаги фуқаронинг поликлиника биносидан ўзини ташламоқчи бўлганлиги тасвирланган видео юзасидан расмий муносабат билдирди.
Аниқланишича, шу куни соат тахминан 08:30 ларда Қорақалпоғистон Республикаси Амударё тумани Қиличбой овул фуқаролар йиғинида яшовчи фуқаро профилактика инспектори лейтенант А.Юлдошевга телефон орқали мурожаат қилиб, унда акаси Қ.Э.нинг руҳий касаллиги қўзғагани сабабли ўзига пичоқ урмоқчи бўлаётганини маълум қилган.
Профилактика инспектори А.Юлдошев чақирилган манзилга етиб борганида ҳақиқатан ҳам фуқаро Қ.Э. ўз уйида ошхона пичоғини ўзига урмоқчилигини айтиб бақир-чақир қилаётганига гувоҳ бўлган ва фуқарони тинчлантириб, уни қўлидаги пичоқни олиб қўйган ва тегишли ҳужжатлар расмийлаштириш учун уни руҳий касалликлар шифохонасига олиб борган.
Туман марказий шифохонасининг иккинчи қаватида ушлаб турилган вақтида фуқаро Қ.Э. қочиш ниятида иккинчи қават деразасини ошиб ўтиб, пастга сакрамоқчи бўлган вақтида профилактика инспекторлари А.Юлдошев ва М.Дусенбаев уни ушлаб қолган.
Фуқаро Қ.Э. шу куннинг ўзида Нукус шаҳридаги руҳий-асаб касалликлари шифохонасига ётқизилган.
Изоҳ (0)