Ijtimoiy tarmoqlarda 16-yanvar, payshanba kuni soat 21:30 lar atrofida Navoiy shahri markazidagi yirik bozorlardan biriga o‘t ketgani haqida ma’lumotlar tarqaldi.
Xabarlarga ko‘ra, shahar markazidagi 4 qavatli bozorga alanga ketgan. Shuningdek, shaharda elektr o‘chgan.
“Navoiy Kanal” Telegram kanalining xabar berishicha, ayni damda yong‘in o‘chirilgan. 4 qavatli bozorning to‘rtinchi qavatida joylashgan 56 do‘kondan bir qismiga zarar yetgan. Jabrlanganlar haqida ma’lumot yo‘q.
“Qolgan qavatdagi do‘konlarga hech qanday zarar yetmagan”, — deyiladi xabarda.
Ma’lum bo‘lishicha, 4 qavatli savdo markazi Navoiy shahar Yangi bozor mavzesi hududida joylashgan. “Kun.uz”ning xabar berishicha, savdo markazi ichidan hech narsani olib chiqishning imkoni bo‘lmagan. Aholi vakillari bu bino o‘rnida oldin ham savdo majmuasi bo‘lgani va u ham o‘z vaqtida yonib ketganini aytishdi.
Ayni damda bino IIB va milliy gvardiya xodimlari tomonidan o‘rab olingan.
Izoh (0)