AT “Xalq banki” Yakkabog‘ tuman filiali xodimlarining ish haqini to‘lab berib, Damas avtomobilini qaytarib oldi. Bu haqda “Daryo”ga MIB Qashqadaryo viloyati boshqarmasi axborot xizmati ma’lum qildi.
Ma’lum bo‘lishicha, bank 3 nafar xodimining qariyb 6 million so‘m oylik maoshini 12 million 954 ming so‘m qilib, moddiy zarari bilan qo‘shib to‘lagan.
MIB viloyat boshqarmasi axborot xizmati rahbari Gulnoza Dilmurodovaning aytishicha, 2020-yil 15-yanvar kuni bank xodimlarining bekor yurgan vaqti uchun oylik to‘lovlaridan tashqari moddiy zarar va advokatlik xizmati uchun sarflangan mablag‘larni ham qo‘shib to‘lagan.
Eslatib o‘tamiz, avvalroq AT “Xalq banki”ning Yakkabog‘ tuman filiali xodimlarining ish haqini to‘lamagani uchun MIB Damas avtomobilini olib qo‘ygani haqida xabar bergandik.
Izoh (0)