Bandlik va mehnat munosabatlari vazirligi axborot xizmati “Tashkent City” qurilishida baxtsiz hodisa tufayli halok bo‘lgan fuqaroning turmush o‘rtog‘iga ish beruvchi tomonidan kompensatsiya puli to‘lanmayotgani haqidagi xabarlarga munosabat bildirdi.
Vazirlik ma’lumotiga ko‘ra B. A. Egamberdiyev 2019-yil 25-avgustda Tashkent City qurilish majmuasi 1-lot birinchi sonli to‘qqiz qavatli qurilish binosi yonidagi oqava suv uchun kollektor quvuri qulashi oqibatida halok bo‘lgan. Davlat mehnat inspeksiyasi o‘tkazgan o‘rganishlardan keyin ushbu hodisa ishlab chiqarish bilan bog‘liq deb topilgan.
Ish beruvchi tomonidan vafot etgan fuqaroning turmush o‘rtog‘iga kompensatsiya puli to‘lab berilgan.Vazirlik xabarida kompensatsiyaning qachon to‘lab berilgani va uning miqdori qancha ekani borasidagi ma’lumotlar keltirilmagan.
Izoh (0)