Бандлик ва меҳнат муносабатлари вазирлиги ахборот хизмати «Tashkent City» қурилишида бахтсиз ҳодиса туфайли ҳалок бўлган фуқаронинг турмуш ўртоғига иш берувчи томонидан компенсация пули тўланмаётгани ҳақидаги хабарларга муносабат билдирди.
Вазирлик маълумотига кўра Б. А. Эгамбердиев 2019 йил 25 августда Tashkent City қурилиш мажмуаси 1-лот биринчи сонли тўққиз қаватли қурилиш биноси ёнидаги оқава сув учун коллектор қувури қулаши оқибатида ҳалок бўлган. Давлат меҳнат инспекцияси ўтказган ўрганишлардан кейин ушбу ҳодиса ишлаб чиқариш билан боғлиқ деб топилган.
Иш берувчи томонидан вафот этган фуқаронинг турмуш ўртоғига компенсация пули тўлаб берилган.Вазирлик хабарида компенсациянинг қачон тўлаб берилгани ва унинг миқдори қанча экани борасидаги маълумотлар келтирилмаган.
Изоҳ (0)