Markaziy bank kelasi hafta ikki marta davlat qisqa va o‘rta muddatli obligatsiyalari chiqarilishini ma’lum qildi.
Obligatsiyalar milliy valyutada O‘zbekiston valyuta birjasiga joylashtiriladi. Obligatsiyalarning nominal qiymati o‘zgarmagan bo‘lib, bir million so‘mni tashkil etadi.
Markaziy bank 14-yanvar, seshanba kuni umumiy qiymati 250 milliard so‘mlik jami 250 ming dona obligatsiyalar chiqaradi. Yillik foiz stavkasi 16 foiz, muomala davri 180 kunni tashkil etadi.
17-yanvar, juma kuni chiqaradigan obligatsiyalarning umumiy qiymati esa 200 milliard so‘m (jami 200 ming dona obligatsiya chiqariladi)ni tashkil etadi. Ularning yillik foiz stavkasi 16 foiz. Shu kuni chiqariladigan o‘rta muddatli obligatsiyalar Moliya vazirligi tomonidan 365 kun muddatda birjaga joylashtiriladi.
Izoh (0)